e a tutta la massimedianiria sicula.
Caro Salvo carissimo,
scusasse la domanda indiscreta, ma mi putissi spiecare pirchì, con la trasuta del digitale terrestre, a Piazza Armerina nun si pigghia cchiù Antenna Sicilia?
Si mi putissi dari n'ammuttuni, dalla latata della tua tilivisiva putenzia, te ne sarebbi ricanuscintissimu, caro Salvo carissimo, e vistu ca ognunu tira a lu so’ cudduruni, ma chi, cu la to’ raccumannazzioni, nun si tratta di spugghiari a Cristu pi vestiri a Maria, a la prima casioni m’apprisentu cu un paccu di calia e simenza.
Apprufittu pi mannari sta poesia al signor Litterio, sicilianu d'azzò, dignu, citrignu e masculignu ca mi piaci assaissimu, anche se non sono gaio, pirchì “di li cristiani allegri nun ti spàrtiri, ca ti fanu passari li strafùttiri”.
Cordiali saluti ebbasta, pi camadora, ca di ringrazi ni parramu doppu, pirchì, comu t’arrisulta certamenti, “mai vantari lu jornu si nun scura”.
Saluti, epperò, irremisibbilmenti junciuti a un duvurusu e inevitabbili "alla faccia di quel disgraziato di Garibaldi".
Giovanni Piazza
.
Pregiatissimu Scalisi Litterio
Aderenze Sig. La Rosa
Paisi (Sicilia Sicula)
.
Caro Litterio, scrivu a ddu paisi
unni i Scalisi siti a tinchitè
certu ca piccomunque stati misi
a qualcunu l'angagghiu, e sai chi c'è?
Ca si i Scalisi aviti fantasìa
chiddu ca 'ngagghiu poi la passa a ttia.
.
Tu certu t'addumanni, ma chi vo'
chistu ca non si sapi in virità
mancu di cu ci dìcinu, epperciò
vengo e mi spiego in tutto il trallallà
ca si nun ni capemu allura sì
ca il poi s'ammuccia peggiu d'un pirchì.
.
Ecco perciò ca scrivo questa mia
(ca chiddi to' poi ti li scrivi tu)
mannànnuti na qualchi camurrìa
in siciliano ca nun s'usa cchiù,
pirchì sta gioventù bedda e nustrana
pozza parrarlu a capu di simana.
.
Quella lingua gluriusa e bedda assai,
caro Allitterio, ca 'nzitò la vita
dei nostri patri, e puru ammenzu ai guai,
azziccata siccomu zitu a zita,
s'assetta nta lu cori e pigghia pignu
dei tempi dei canonichi di lignu.
.
E se quel siciliano che c'è in te
(non ti scantari, ca sì sempri tu)
arrisultò giassòlo dipersè
la megghiu midicina ca ci fu,
chi meglio di Litterio dei Scalisi
po' sbummicari siculanzi 'ntisi?
.
Ddi siculanzi ca vinennu a Chiazza
sbùmmichi di ribùffitu e riali
a cu t'ascuta e ridi e ti l'abbrazza,
ca si sta vita chianci e sa di sali
quannu di risu l'arma si ncapizza
ridere "insieme" è storia ca si ntrizza.
.
Ora ti lassu, Litty, e si c'è cosa
diddimmillu, ca fazzu na scappata.
Abbràzzimi d'assà Salvu La rosa
cu Fiamma e Crocifissa Martoriata,
tutta l'Antenna e tuttu ddu paisi.
Ciau Litteriu, ciau beddu, ciau Scalisi.
Giò
